Միգրացիայի վարչության աշխատակիցները ներգաղթի հատուկ վերահսկողության միջոցառումների արդյունքում ձերբակալել են 46 օտարերկրյա քաղաքացու
Ներքին գործերի նախարարության միգրացիայի վարչության աշխատակիցները երկրի ողջ տարածքում անցկացրել են ներգաղթի հատուկ վերահսկողության միջոցառումներ։
Ներքին գործերի նախարարության տվյալներով՝ համալիր միջոցառումների արդյունքում ձերբակալվել է 46 անօրինական ներգաղթյալ, այդ թվում՝ Եմենի, Պակիստանի, Հնդկաստանի, Թուրքմենստանի, Չինաստանի, Կուբայի, Սուդանի, Նիգերիայի, Ռուսաստանի, Բելառուսի և Եգիպտոսի քաղաքացիներ։
«Ներգաղթի հատուկ վերահսկողության միջոցառումների շրջանակներում վարչության աշխատակիցները ստուգել են տարբեր նշանակության կոնկրետ վայրեր և օբյեկտներ, որոնց նպատակն էր Վրաստանում առանց օրինական հիմքերի գտնվող օտարերկրյա քաղաքացիների նույնականացումը։
Պարզվել է, որ ձերբակալված անձինք երկրում են գտնվել «Օտարերկրացիների և քաղաքացիություն չունեցող անձանց իրավական կարգավիճակի մասին» Վրաստանի օրենքով սահմանված պահանջների խախտմամբ։
«Ներկայումս ձերբակալվածները գտնվում են Միգրացիայի վարչության ժամանակավոր տեղավորման կենտրոնում։ Ձեռնարկվում են համապատասխան ընթացակարգեր նրանց երկրից վտարելու համար», – ասվում է տեղեկատվության մեջ։