Ռուսթավելի պողոտայում՝ խորհրդարանի դիմաց տեղադրված վրանում հրդեհ է բռնկվել։ Դեպքի առթիվ ձեռնարկվում են բոլոր համապատասխան քննչական գործողությունները, ասվում է Վրաստանի Ներքին գործերի նախարարության հայտարարության մեջ։

Գործակալության տվյալներով՝ քննության շրջանակներում մի քանի անձ տարվել է ոստիկանական բաժանմունք՝ հարցաքննության։

«Այս տարվա մարտի 12-ին Ռուսթավելի պողոտայում՝ խորհրդարանի դիմաց տեղադրված վրանում հրդեհ է բռնկվել։ Տեղեկությունը ստանալուց հետո դեպքի վայր են ժամանել ՆԳՆ համապատասխան ստորաբաժանումները։ Դեպքի ականատես ակտիվիստների՝ 1996 թվականին ծնված Գոչա Բաշելիշվիլիի և 1975 թվականին ծնված Ռոման Յացենկոյի խոսքերով՝ նրանք գիշերը գտնվել են խորհրդարանի դիմաց տեղադրված վրաններից մեկում, երբ վրանը անհայտ հանգամանքներում հրդեհ է բռնկվել։ Նրանք կարողացել են արագորեն մարել կրակը սեփական ուժերով։ Դեպքի հետևանքով ոչ ոք չի տուժել։ Հրդեհի հետ կապված հետաքննությունը տարվում է Քրեական օրենսգրքի 188-րդ հոդվածի 2-րդ մասի համաձայն, որը վերաբերում է կրակի կամ վտանգի մեծացման աղբյուրի հետ անզգույշ վարվելու հետևանքով առարկայի վնասմանը կամ ոչնչացմանը։ Հետևաբար, հարցաքննության նպատակով Գոչա Բաշելիշվիլիին և Ռոման Յացենկոյին տարել են ոստիկանական բաժանմունք։ Ալկոթեզի արդյունքում պարզվել է, որ նրանք ալկոհոլի ազդեցության տակ են եղել։ Քննչական գործողությունների շրջանակներում ձերբակալվել է դեպքի վայրում ներկա գտնվող մեկ այլ անձ։ «Դեպքի վայրի բնակիչ Դարեջան Ցխվիտարիան նույնպես տարվել է ոստիկանական բաժանմունք՝ հարցաքննության համար։ Դեպքի առթիվ ձեռնարկվում են բոլոր համապատասխան քննչական գործողությունները, այդ թվում՝ դեպքի վայրի զննման ընթացքում հրդեհի հետևանքով վնասված վրանի հեռացումը։ Բացի այդ, լրացուցիչ անվտանգության նկատառումներից ելնելով, մաքրվել է շրջակա պարագիծը», – ասվում է ՆԳՆ հաղորդագրության մեջ։