Միացյալ Թագավորությունում արգելված «Պաղեստինյան գործողություն» կազմակերպությանն ի աջակցություն բողոքի ակցիա է անցկացվել, որի ընթացքում ավելի քան 130 մարդ է ձերբակալվել
Միացյալ Թագավորությունում բողոքի ակցիա է անցկացվել՝ ի պաշտպանություն Պաղեստինյան գործողություն՝ երկրում արգելված կազմակերպության։ Ակցիայի արդյունքում ձերբակալվել է ավելի քան 130 մարդ։
Ըստ լրատվամիջոցների՝ ցույցը տեղի է ունեցել ԱՄՆ դեսպանատան մոտ։ Հաղորդվում է, որ ցուցարարների մեծ մասը թոշակառուներ էին, որոնք պարզել էին պաստառներ՝ հետևյալ գրությամբ. «Ես դեմ եմ ցեղասպանությանը, ես սատարում եմ Պաղեստինյան գործողությանը։
Էդինբուրգում՝ ԱՄՆ հյուպատոսարանի մոտ, նույնպես տեղի է ունեցել ցույց՝ ի պաշտպանություն Պաղեստինյան գործողության։
Պաղեստինյան գործողությունը հիմնադրվել է 2020 թվականին՝ Միացյալ Թագավորության կողմից Իսրայելին ցուցաբերվող ռազմական աջակցությունը դադարեցնելու նպատակով։ Կազմակերպությունը Միացյալ Թագավորությունում արգելվել է 2025 թվականի հուլիսին։ Արգելքի համաձայն՝ կազմակերպության անդամ լինելը կամ դրան աջակցելը համարվում է քրեական հանցագործություն, որի համար նախատեսված է մինչև 14 տարվա ազատազրկում։ Նոյեմբերի 4-ին Բարձր դատարանը պետք է քննի բողոքարկումը, որը վերաբերում է կազմակերպությունը որպես ահաբեկչական խմբավորում ճանաչելու որոշմանը։