«Միացյալ ազգային շարժում». Կոչ ենք անում «Վրացական երազանքին», չմտածել այն շենք ներխուժելու մասին, որտեղ մարդիկ ֆիզիկապես պաշտպանում են նորմալ երկրում ապրելու իրենց հնարավորությունը
Կոչ ենք անում «Վրացական երազանքին», չմտածել այն շենք ներխուժելու մասին, որտեղ մարդիկ ֆիզիկապես պաշտպանում են նորմալ երկրում ապրելու իրենց հնարավորությունը, – ասված է «Միացյալ ազգային շարժման» հայտարարության մեջ:
Ըստ «Միացյալ ազգային շարժման», երկրի ազգային շահերից է բխում ճգնաժամը լիցքաթափելը, և դրա համար անհրաժեշտ է դադարեցնել քաղաքական հետապնդումները:
«Վրաստանում ամբողջ ընդդիմադիր սպեկտրը, որին նույնիսկ Թամար Ժվանիայի հաշվարկներով, աջակցում է առնվազն 1,2 միլիոն մարդ, և դա ընտրողների կեսից ավելին է. Այսօր կանգնած է «Միացյալ ազգային շարժման» գրասենյակում և ֆիզիկապես պաշտպանում է Նիկա Մելիային, այսինքն քաղաքացիական խաղաղությունն ու ազատությունը:
«Վրացական երազանք» ցուցակի առաջին համարը՝ վարչապետը, հրաժարական տվեց և պատճառաբանեց, որ Նիկա Մելիայի դեմ գործողությունը ապակայունացնում և արմատականացնում է երկիրը:
ԱՄՆ-ը և Եվրամիությունը կոչ են անում կողմերին մնալ խաղաղության շրջանակներում, փոխել իրենց հռետորաբանությունը և գտնել ճգնաժամը մեղմելու միջոց:
ՄԱՇ-ը միշտ գործել, գործում և գործելու է՝ ելնելով քաղաքացիական խաղաղության և ազգային շահերից:
Մենք «Վրացական երազանք»-ին կոչ ենք անում չմտածել այն շենք ներխուժելու մասին, որտեղ մարդիկ ֆիզիկապես պաշտպանում են իրենց նորմալ երկրում ապրելու հնարավորությունը:
Երկրի ազգային շահերից է բխում ճգնաժամը լիցքաթափելը, դրա համար անհրաժեշտ է դադարեցնել քաղաքական հետապնդումները, և մենք պատրաստ ենք բանակցել ճգնաժամը լիցքաթափելու միակ ճիշտ ճանապարհի՝ արտահերթ ընտրությունների անցկացմանը, միջնորդների ներգրավմամբ», – ասվում է հայտարարության մեջ: