Մի խումբ սենատորներ ներկայացրել են օրինագիծ, որը պատժամիջոցներ կսահմանի Ռուսաստանի դեմ, եթե վերջինս չհամաձայնի Ուկրաինայի հետ տեւական խաղաղության
ԱՄՆ Կոնգրեսի մի խումբ սենատորներ ներկայացրել են օրինագիծ, որը պատժամիջոցներ կսահմանի Ռուսաստանի դեմ, եթե վերջինս չհամաձայնի Ուկրաինայի հետ տեւական խաղաղության:
Առաջարկը պաշտպանել է 50 պատգամավորներից բաղկացած խումբը: Նրանք պայմանավորվել են պատժամիջոցներ սահմանել Ռուսաստանի դեմ և լրացուցիչ 500 տոկոս մաքսատուրք սահմանել այն երկրներից ներկրվող ապրանքների համար, որոնք գնում են ռուսական նավթ, գազ և այլ ապրանքներ։ Սա այն դեպքում, եթե պատերազմը դադարեցնելու ջանքերն առաջ չընթանան։
«Միացյալ Նահանգների Սենատում գերիշխող տեսակետն այն է, որ Ռուսաստանն է ագրեսորը, և որ այս սարսափելի պատերազմը և Պուտինի ագրեսիան պետք է վերջ դրվի հիմա և կանխվի ապագայում», – ասվում է սենատորների հայտարարության մեջ, որը տեղադրված է հանրապետական սենատոր Լինդսի Գրեհեմի և դեմոկրատ սենատոր Ռիչարդ Բլումենտալի կայքերում:
Ռուսաստանի դեմ առաջնային և երկրորդային պատժամիջոցները ստորագրող սենատորները դժգոհություն են հայտնում նաև Ռուսաստանի նախագահ Վլադիմիր Պուտինի նկատմամբ։
«Մենք կիսում ենք նախագահ Թրամփի հիասթափությունը Ռուսաստանի հանդեպ, երբ խոսքը գնում է հրադադարի մասին: Մենք աջակցում ենք նախագահ Թրամփի՝ կայուն, արդար և արժանապատիվ խաղաղության հասնելու ցանկությանը»,- ասված է հայտարարության մեջ։
Բացի այդ, սենատորները հույս են հայտնել, որ 2025 թվականին Դոնալդ Թրամփն ու նրա թիմը կկարողանան վերջ դնել Ուկրաինայի պատերազմին։
«Ռուսաստանի դեմ այս պատժամիջոցները պատրաստ են և կստանան ճնշող երկկուսակցական, երկպալատ աջակցություն, եթե քվեարկության դրվեն Սենատում և Ներկայացուցիչների պալատում», – ասվում է հայտարարության մեջ: