Մի քանի մարդ լքել է սեփական կուսակցությունը և մտել խորհրդարան, ինչպես տեսնում ենք «Վրացական երազանքը» այսպես է պատկերացնում իր համար հարմարավետ ընդդիմությունը,- այս մասին «Լելո» կուսակցության անդամ Սաբա Բուաձեն հայտարարել է՝ Դավիթ Զիլֆիմյանի, Փրիդոն Ինջիայի, Ավթանդիլ Էնուքիձեի և Գելա Միքաձեի խորհրդարան մտնելու կապակցությամբ:

Ըստ նրա, խորհրդարանի լիարժեք աշխատանքի համար անհրաժեշտ է լայն քաղաքական կոնսենսուս:

«Մեկ կամ երկու կուսակցությունների մի քանի ներկայացուցիչների մուտքը խորհրդարան չի օրինականացնի այս կեղծ գործընթացը: Մենք տեսանք, որ մի քանի մարդ լքել է սեփական կուսակցությունը և մտել խորհրդարան, ինչպես տեսնում ենք «Վրացական երազանքը» այսպես է պատկերացնում իր համար հարմարավետ ընդդիմությունը: Դրանով մենք դիտեցինք ինչպես «Վրացական երազանքի» լյուստրացիան, այնպես էլ խորհրդարան մտածների իրական մտադրությունը: Բնականաբար, սա չի փոխի քաղաքական գործընթացը: Խորհրդարանի լիարժեք աշխատանքը պահանջում է լայն քաղաքական կոնսենսուս, որը պետք է ձեռք բերվի կառավարության և ընդդիմության միջև համաձայնության արդյունքում: Միայն սա կարող է լիցքաթափել երկրում ստեղծված քաղաքական ճգնաժամը:

Խորհրդարանն ամբողջական և օրինական կլինի միայն այն ժամանակ, երբ այն գումարվի ոչ թե կեղծված ընտրությունների, այլ արդար ընտրությունների հիման վրա, որին պետք է նախորդի լայն քաղաքական կոնսենսուս,  բոլոր կողմերի մասնակցությամբ»,- հայտարարել է Սաբա Բուաձեն: