Մեթյու Միլլեր. Ուրբաթ օրը մենք նոր վիզային սահմանափակումներ ենք մտցրել Վրաստանի կառավարության հետ կապված 20 անձանց նկատմամբ, ունենք այլ միջոցներ, որոնք պատրաստվում ենք ձեռնարկել առաջիկա շաբաթների ընթացքում
Մենք շատ անհանգստացած ենք Վրաստանի ժողովրդավարության վիճակով, այն գործողություններով, որոնք «Վրացական երազանքը» ձեռնարկում է ժողովրդավարությունը խարխլելու համար, ճեպազրույցում ասել է ԱՄՆ Պետդեպարտամենտի խոսնակ Մեթյու Միլլերը՝ պատասխանելով լրագրող Ալեքս Ռաուֆօղլուի հարցին։
«Դուք տեսաք, որ մենք այս ուրբաթ նոր վիզային սահմանափակումներ կիրառեցինք կառավարության հետ կապված 20 անձանց համար, ովքեր պատասխանատու են երկրում ժողովրդավարությունը խարխլելու համար, և մենք ունենք այլ միջոցներ, որոնք պատրաստվում ենք ձեռնարկել առաջիկա շաբաթներին», – ասաց Միլլերը:
Լրագրող Ալեքս Ռաուֆօղլուն Միլլերին մատնանշեց, որ Պետդեպարտամենտը նախկինում ընդունել էր վիզային սահմանափակումների երկու փաթեթ, սակայն դա չաշխատեց։
«Ինչպես մենք հասկացրել ենք, մենք ունենք այլ պատժամիջոցներ, որոնք պատրաստվում ենք կիրառել առաջիկա շաբաթների ընթացքում», – հավելել է Միլլերը:
Լրագրող Ալեքս Ռաուֆոգլուն ասաց Միլլերին. «Կապիտոլիումից քննադատություն է հնչում, որ դուք բարոյալքում եք փողոցում ցուցարարներին»: Միլլերը նշել է, որ պատրաստվում է պատժամիջոցների լրացուցիչ փաթեթ, սակայն անհրաժեշտ է ապահովել, որ այդ պատժամիջոցները կիրառվեն օրենքով սահմանված կարգով։
«Մենք չէինք կարող ավելի հստակ լինել այդ հարցում, ներառյալ պետքարտուղար Էնթոնի Բլինկենի հայտարարությունը և ուրբաթ օրը իմ հայտարարությունը, որ մենք պատրաստում ենք պատժամիջոցների լրացուցիչ փաթեթ, որը կկիրառենք առաջիկա շաբաթների ընթացքում: Դա այն չէ, որ դուք կարող եք անել մեկ շաբաթվա ընթացքում: Դուք պետք է համոզվեք, որ դուք կիրառում եք այդ պատժամիջոցները օրենքին համապատասխան, և դա այն է, ինչի վրա մենք աշխատում ենք մինչ այժմ խոսում ենք», – ասել է Միլլերը:
