Մեծ Բրիտանիայի կառավարությունը թույլատրել է ավիաընկերություններին չեղարկել չվերթները կամ համատեղել միակողմանի չվերթները ամառային սեզոնի ընթացքում՝ ավիացիոն վառելիք խնայելու համար:

Մասնավորապես, նոր օրենսդրությունը ավիաընկերություններին թույլ կտա համատեղել նույն ուղղությամբ օրական մի քանի անգամ կատարվող չվերթները։

Բացի այդ, չվերթների չեղարկումները պետք է կատարվեն թռիչքից առնվազն երկու շաբաթ առաջ, որպեսզի ուղևորները հնարավորություն ունենան ընտրելու այլընտրանքային երթուղիներ։

Եթե տոմսերի զգալի մասը չի վաճառվում, նման չվերթները նույնպես կարող են չեղարկվել՝ կիսադատարկ ինքնաթիռներից խուսափելու համար։

Տեղեկության համար, Մերձավոր Արևելքում շարունակվող հակամարտությունը Եվրոպայում ավիացիոն վառելիքի պակասի սպառնալիք է ստեղծել, քանի որ դրա զգալի մասը արտահանվում է Մերձավոր Արևելքից։