Մեծ Բրիտանիայի կառավարությունը մշտապես կոչ է անում Պուտինի վարչակազմին դուրս բերել զորքերը Վրաստանի բռնազավթված տարածաշրջաններից. Թերեզա Մեյ
Մեծ Բրիտանիայի վարչապետ Թերեզա Մեյի կողմից Ռուսաստանի դեմ սահմանված պատժամիջոցների մասին արված հայտարարությունից հետո, նրան հիշեցրել են Վրաստանի բռնազավթված տարածաշրջանների հարցը:
Ելույթ ունեցողներից մեկը կոչ է արել Մեյին, մեկ անգամ ևս ճանաչել Ռուսաստանի կողմից Վրաստանի տարածքների բռնագրավման փաստը և պահանջել Ռուսաստանից զորքերը դուրս բերել Վրաստանի տարածքից: Ի պատասխան դրա, Թերեզա Մեյը հայտարարել է, որ մշտապես կոչ է անում Ռուսաստանին դուրս բերել զորքերը Վրաստանի տարածքից:
«Ցանկանում եմ հաստատել, որ Մեծ Բրիտանիայի կառավարությունը մշտապես կոչ է անում Պուտինի վարչակազմին դուրս բերել զորքերը Վրաստանի բռնազավթված տարածաշրջաններից»,-հայտարարել է Թերեզա Մեյը:
Մեծ Բրիտանիան կասեցրել է Ռուսաստանի հետ բոլոր տեսակի կապերը: