Մեծ Բրիտանիայի վարչապետի մամուլի ծառայությունը բացատրում է, որ Մեծ Բրիտանիան չի մասնակցել Իրանի դեմ սկզբնական հարվածներին և չի մտադիրվում ներգրավվել լայնածավալ պատերազմի մեջ։

Նրանց խոսքով՝ Միացյալ Նահանգներին թույլատրվում է օգտագործել բրիտանական բազաները միայն որոշակի, պաշտպանական և սահմանափակ նպատակներով՝ ի պատասխան Իրանի կողմից շարունակվող ագրեսիայի։

«Սա անմիջական սպառնալիքը վերացնելու և դիվանագիտությանը վերադառնալու լավագույն միջոցն է», – ասվում է մամուլի ծառայության հայտարարության մեջ։

Ավելի վաղ Իրանի արտաքին գործերի նախարար Աբբաս Արաղչին հեռախոսազրույց է ունեցել Մեծ Բրիտանիայի արտաքին գործերի նախարար Իվետ Քուփերի հետ։ Զրույցի ընթացքում Արաղչին իր գործընկերոջը ասել է, որ եթե Մեծ Բրիտանիան թույլ տա Միացյալ Նահանգներին օգտագործել իր ռազմական բազաները, դա կհամարվի ագրեսիային մասնակցություն։