Մեր վերջնական նպատակը ձմեռային օլիմպիական խաղերի հյուրընկալությունն է. Գիորգի Կվիրիկաշվիլի
Վրաստանի վարչապետ Գիորգի Կվիրիկաշվիլիի հայտարարությամբ, միջազգային օլիմպիական կոմիտեի նախագահ Թոմաս Բախի հետ կայացել է շատ հետաքրքիր հանդիպում:
Ինչպես նշել է Կվիրիկաշվիլին, հանդիպմանը քննարկել են Վրաստանի ձմեռային մարզաձևերի և լեռնային հանգստավայրերի զարգացման հեռանկարները:
«Շատ հետաքրքիր հանդիպում էր: Քննարկել ենք Վրաստանի ձմեռային մարզաձևերի և լեռնային հանգստավայրերի զարգացման հեռանկարները: Հանդիպմանը որոշվել է, որ մոտ ապագայում Վրաստան կժամանի միջազգային փորձագետներից կազմված խումբ, որը ուսումնասիրելու է Վրաստանի ձմեռային մարզաձևերի համար հատկացված ինֆրակառուցվածքները: Մեր վերջնական նպատակը ձմեռային օլիմպիական խաղերի հյուրընկալությունն է»,-ասել է Կվիրիկաշվիլին:
Հիշեցնենք, Վրաստանի վարչապետ Գիորգի Կվիրիկաշվիլին Լոզանայում հանդիպել է միջազգային օլիմպիական կոմիտեի նախագահի հետ: Հանդիպմանը Կվիրիկաշվիլին Տոմաս Բախին ծանոթացրել է այն ներուժի հետ, որը Վրաստանը ունի մարզական ինֆրակառուցվածքի տեսանկյունից: Այսօրևեթ Վրաստանի վարչապետը այցելել է Լոզանայում գտնվող օլիմպիական թանգարան:
Իսկ վաղվանից, Գիորգի Կվիրիկաշվիլին միանալու է Դավուսում, համաշխարհային տնտեսական ֆորումի շրջանակներում ծրագրված միջոցառումներին: