Մեր հիմնական խնդիրը ազատ, արդար, խաղաղ ընտրությունների ապահովումն է. Իրակլի Կոբախիձե
Մեր հիմնական խնդիրը ազատ, արդար, խաղաղ ընտրությունների ապահովումն է,-այս մասին Վրաստանի խորհրդարանի նախագահ Իրակլի Կոբախիձեն հայտարարել է «վրացական երազանք» կուսակցության գրասենյակում տեղի ունեցած ասուլիսի ժամանակ, որի ընթացքում նա գնահատել է նախընտրական ժամանակաշրջանը:
«Մինչ ընտրություններ մնացել է երկու շաբաթ և մեկ անգամ ևս ցանկանում ենք կիսվել ձեզ հետ լրատվությամբ ընթացիկ ընտրական գործընթացների մասին: Մեր հիմնական խնդիրն է ազատ, արդար և խաղաղ ընտրությունների ապահովումը: Սա է մեր իշխանությունների հիմնական հաջողությունը 2012 թվականից հետո: Մեր իշխանությունների օրոք դա ապահովված է: Մենք վերացրել ենք ընտրությունները կեղծելու պրակտիկան:
Մենք առաջարկել ենք մեր օպոնենտներին եվրոպական ոճի ընտրություններ, դա առաջարկել է նաև մեր կողմից աջակցություն վայելող թեկնածու Սալոմե Զուրաբիշվիլին, և մենք իրականացնում ենք եվրոպական ոճով նախընտրական քարոզարշավ: Ցավոք մեր օպոնենտները հեռու են մնում եվրոպական ոճից»,-նշել է Կոբախիձեն: