Մենք կոչ ենք անում ցուցարարներին և քաղաքական առաջնորդներին հարգել Վրաստանի Սահմանադրությունը, հարգել իրավապահների գործունեությունը, դուրս չգալ խաղաղ հավաքների մասին օրենքով սահմանված սահմաններից. ՆԳՆ
Վրաստանի ՆԳ նախարարությունը կոչ է անում ցուցարարներին և քաղաքական առաջնորդներին հարգել Վրաստանի Սահմանադրությունը, հարգել իրավապահների գործունեությունը, դուրս չգալ խաղաղ հավաքի սահմանած օրենքի սահմաններից, ենթարկվել ոստիկանության պահանջներին և պահպանել հասարակական կարգը,- այս մասին ասվում է ՆԳ նախարարության հայտարարության մեջ։
Գերատեսչության հաղորդմամբ, Թբիլիսիում բողոքի ցույցերի ընթացքում ընդհանուր առմամբ բերման է ենթարկվել 46 մարդ։
«Ինչպես հանրությանը հայտնի է, Թբիլիսիի տարբեր վարչական շենքերի դիմաց բողոքի ցույցեր են տեղի ունենում։ Այնտեղ, որտեղ հանրահավաքի մասնակիցներն անցել են հավաքների և արտահայտվելու ազատության սահմանները, ինչպես նաև փորձել են փակել վարչական շենքերի մուտքերը, ոստիկանությունը վարչական կարգով բերման է ենթարկել 46 անձի։
Ներքին գործերի նախարարությունը պաշտպանում է Վրաստանի Սահմանադրությամբ երաշխավորված խաղաղ հավաքներ և ցույցեր անցկացնելու մեր քաղաքացիների իրավունքը։ Միևնույն ժամանակ նշենք, որ «Հավաքների և մանիֆեստացիաների մասին» Վրաստանի օրենքի համաձայն՝ արգելվում է վարչական մարմինների շենքերի մուտքերը փակել և դրանց գործունեությունը կասեցնել։
Ինչպես նախորդ օրերին, այնպես էլ այսօր, ՆԳ նախարարության աշխատակիցները անվտանգության միջոցառումների և իրադարձությունների արհեստական սրացումից խուսափելու համար մոբիլիզացված են և պահպանում են հասարակական կարգը»,- ասված է նախարարության հաղորդագրության մեջ։
Ներքին գործերի նախարարությունը կոչ է անում ցուցարարներին և քաղաքական առաջնորդներին հարգել Վրաստանի Սահմանադրությունը, հարգել իրավապահների գործունեությունը, դուրս չգալ խաղաղ հավաքի սահմանած օրենքի սահմաններից, ենթարկվել ոստիկանության պահանջին և պահպանել հասարակական կարգը:
«Օրենքի ցանկացած խախտում անհապաղ կկասեցվի ոստիկանության կողմից, և դրան կհետևի համապատասխան իրավական արձագանք», – հայտնում են ՆԳ նախարարությունից։
