Մենք հրաժարվում ենք ոչ թե միայն հետաքննչական հանձնաժողովին մասնակցելուց, այլ նաև խորհրդարանական մանդատներից և չենք պատրաստվում մտնել խորհրդարան,- այս մասին «Ազգային շարժման» անդամ Զաալ ՈՒդումաշվիլին հայտարարել է խորհրդարանական հետաքննչական հանձնաժողովի մասին խոսելիս:

Նա արձագանքել է խորհրդարանական մեծամասնության առաջնորդ, Իրակլի Կոբախիձեի հայտարարությանը, որը ընդդիմությանը կոչ է անում մասնակցել խորհրդարանական ընտրությունների ուսումնասիրության համար ստեղծվող  հանձնաժողովի աշխատանքներին:

Ուդումաշվիլիի խոսքով, ընդդիմության հիմնական պահանջը արտահերթ ընտրություններն են, որոնց մասին իշխող թիմը ոչինչ չի ասել:

«Նոր առաջարկ չի եղել: Իշխանությունից մոտ մեկ ամիս առաջ լսեցինք, որ նրանք պատրաստ են հետաքննչական հանձնաժողով ստեղծել, բայց գլխավորն այն է, որ երեք ամիս անց, ինչ էլ որ ուսումնասիրենք կենտրոնական ընտրական հանձնաժողովի փաստաթղթերում, գործնականում ոչինչ չենք կարող գտնել: Պատկերացրեք, թե ինչպես են հոկտեմբերի 31-ի գիշերը գրել արձանագրությունները, այս երեք ամսվա ընթացքում բոլոր արձանագրությունները ուղղված են, ով կխոչընդոտեր դրան: Այս հետաքննիչ հանձնաժողովը ստեղծելու իմաստ չեմ տեսնում: Այն, ինչ տեղի ունեցավ հոկտեմբերի 31-ից հետո և ինչպես գողացան ընտրությունները, սրա միակ ելքը նոր ընտրություններն են:

Մենք հրաժարվում ենք ոչ թե միայն հետաքննչական հանձնաժողովին մասնակցելուց, այլ նաև խորհրդարանական մանդատներից և չենք պատրաստվում մտնել խորհրդարան:

Ես բանակցությունների հետ կապված սպասելիքներ չունեմ: Երեկ արված հայտարարությունից հետո մենք տեսանք, որ Իրակլի Կոբախիձեն ոչ մի նոր բան չի ասել, նրանք նույն դիրքում են: Գործնականում մեզ առաջարկում են փոխել ընտրական վարչակազմը և ստեղծել հետաքննող հանձնաժողով, բայց արտահերթ ընտրությունների մասին ոչ մի խոսք չասվեց, ինչը մեր հիմնական պահանջն է», – հայտարարել է Զաալ Ուդումաշվիլին: