Մենք այլ այլընտրանք չունենք, Եվրամիությունը վրաց ժողովրդի ընտրությունն է, և մենք ամեն ինչ անելու ենք վերջնական նպատակին հասնելու համար. Իրակլի Ղարիբաշվիլի
Մենք այլ այլընտրանք չունենք, Եվրամիությունը վրաց ժողովրդի ընտրությունն է, և մենք ամեն ինչ անելու ենք վերջնական նպատակին հասնելու համար. Իրակլի Ղարիբաշվիլի

Մենք այլ այլընտրանք չունենք, Եվրամիությունը վրաց ժողովրդի ընտրությունն է, մենք ամեն ինչ կանենք վերջնական նպատակին հասնելու համար»,- Դավոսի տնտեսական ֆորումի ժամանակ ասել է Վրաստանի վարչապետ Իրակլի Ղարիբաշվիլին։

Իրակլի Ղարիբաշվիլիի խոսքով՝ Վրաստանը և վրաց ժողովուրդը հավատարիմ են Եվրամիությանը։

«Շատ շնորհակալ եմ հրավերի համար, սա հիանալի հնարավորություն է խոսելու Եվրամիությանը մեր անդամակցության մասին։ Սկզբունքորեն, սա շատ լավ հնարավորություն է, որ մենք անձամբ հանդիպել ենք «Կովիդից» հետո և շնորհակալություն հայտնենք դրա համար։ Միաժամանակ նշեմ, որ Վրաստանը շատ վստահելի և հավատարիմ գործընկեր է Եվրամիության համար, դա մեր ժողովրդի ընտրությունն է, դա միայն իշխանության ընտրությունը չէ, դա քաղաքակրթության ընտրությունն է։ Մենք շատ հավատարիմ ենք Եվրամիությանը, քանի որ ունենք ընդհանուր նպատակներ, ընդհանուր սկզբունքներ, ընդհանուր արժեքներ»,- ասել է վարչապետը։

Իրակլի Ղարիբաշվիլին Դավոսի տնտեսական համաժողովում խոսել է նաև Եվրամիության հետ մերձեցման հարցում Վրաստանի ձեռք բերած արդյունքների մասին։

«Ասոցացման համաձայնագիրը մենք ստորագրել ենք 2014 թվականին, սա հիմնական փաստաթուղթն է, ուղեցույց լիիրավ ու ամբողջական անդամակցության համար։ Մենք ունենք ազատ առևտրի համաձայնագիր, առանց վիզայի ռեժիմ, սա մեծ ձեռքբերում է վրաց ժողովրդի համար, և մենք հենց նոր անդամակցության պաշտոնական դիմում ենք ներկայացրել, որը մեզ կմոտեցնի Եվրամիությանը։ Մենք այլ այլընտրանք չունենք։ Սա վրաց ժողովրդի, վրաց ազգի ընտրությունն է։ Մենք ամեն ինչ կանենք Եվրամիությանը հնարավորինս մոտենալու և մեր վերջնական նպատակին հասնելու համար, որը լիիրավ անդամակցությունն է»,- ասել է Ղարիբաշվիլին։

Թողնել մեկնաբանություն