Մայք Պոմպեոյի շատ կարևոր այցի ժամանակ երևաց ռազմավարական գործընկերոջ համար Վրաստանի կարևորությունը. Գիորգի Գախարիա
Ամերիկայի Միացյալ Նահանգների պետքարտուղար, Մայք Պոմպեոյի այցն չափազանց կարևոր էր, որի ընթացքում երևաց Վրաստանի կարևորությունը ռազմավարական գործընկերոջ համար, Վրաստանի հետագա զարգացման կարևորությունը և եվրաատլանտյան կուրսը,- այս մասին Վրաստանի վարչապետ Գիորգի Գախարիան հայտարարել է այսօրվա կառավարության նիստում, որտեղ արձագանքել է Մայք Պոմպեոյի Վրաստան կատարած այցին:
Ինչպես նշել է վարչապետը, այցը տեղի է ունեցել նշանակալից ժամանակ:
«Պետքարտուղարի այցն ավարտված է, չափազանց կարևոր այց, ինչպես նաև կարևոր ժամանակ: Հիմնական թեմաները, որոնք քննարկվել են դա մեր երկրների ռազմավարական գործընկերության խորացումն է, տարածաշրջանային անվտանգության խնդիրներն ու ԱՄՆ-ի և Վրաստանի համագործակցության կարևորությունը տարածաշրջանային գործընթացներում, ինչպես նաև Վրաստանի դերը տարածաշրջանում ընթացող գործընթացներում», – հայտարարել է վարչապետը:
Ըստ նրա, ամենակարևորն այն է, որ պետքարտուղարը, ամերիկացի ժողովրդի և կառավարության անունից, վերահաստատեց իր անսասան աջակցությունը Վրաստանի ժողովրդին՝ երկրի տարածքային ամբողջականության և ինքնիշխանության, եվրաատլանտյան զարգացման, առևտրատնտեսական հարաբերությունների խորացման տեսանկյունից:
«Ընդգծվել է Վրաստանի համար կայուն զարգացման, ժողովրդավարացման գործընթացի ու ինստիտուտների ամրապնդման կարևորությունը: Ի վերջո, մենք համաձայնեցինք, որ պետք է էլ ավելի խորացնենք ռազմավարական գործընկերությունը `հիմնված ընդհանուր արժեքների, ինչպիսիք են ազատությունը, ժողովրդավարությունը և ընդհանուր ռազմավարական շահերը: Սա չափազանց կարևոր այց էր, որի ընթացքում բացահայտվեց Վրաստանի կարևորությունը ռազմավարական գործընկերոջ համար, Վրաստանի հետագա զարգացման կարևորությունը և եվրաատլանտյան կուրսը: Այս ամենը ևս մեկ անգամ հաստատում է երկրի հաջող քաղաքականությունը, կառավարության կողմից իրականացվող եվրոպական և եվրաատլանտյան զարգացման տեսանկյունից», – հայտարարել է Գախարիան: