Մայք Ջոնսոն. Ուկրաինային ռազմական օգնության դադարեցումը ժամանակավոր է
Ուկրաինային ռազմական օգնության դադարեցումը ժամանակավոր է, հայտարարել է ԱՄՆ Կոնգրեսի Ներկայացուցիչների պալատի խոսնակ Մայք Ջոնսոնը։
Ջոնսոնն ասել է, որ օգնության դադարեցումը կապված է անցած ուրբաթ Սպիտակ տանը տեղի ունեցած իրադարձությունների հետ:
«Սա ժամանակավոր դադար է»,- նշել է Ջոնսոնը։
ԱՄՆ Կոնգրեսի Ներկայացուցիչների պալատի խոսնակն ասել է, որ Ուկրաինայի նախագահ Վոլոդիմիր Զելենսկին պետք է «շտկի անցած շաբաթ տեղի ունեցածը, Օվալաձև աշխատասենյակի ցնցող իրադարձությունները»։
«Եթե նա դա անի, ես կարծում եմ, որ դա կլինի շահեկան սցենար բոլոր ներգրավված կողմերի համար: Կարծում եմ՝ սա լավագույն գործարքն է, որը կարելի է առաջարկել, այս գործարքը կարող է աջակցել ուկրաինացի ժողովրդին, ուստի ես կոչ եմ անում Զելենսկիին դա անել», – ասել է Ջոնսոնը։
Նա ասել է, որ ուրախ է, որ «Զելենսկին հստակ ասել է, որ ցանկանում է կնքել այս համաձայնագիրը»։