ԱՄՆ պետքարտուղար Մարկո Ռուբիոն Սենատի արտաքին հարաբերությունների հանձնաժողովին ուղղված հայտարարության մեջ ասել է, որ ԱՄՆ-ն տեխնիկական մակարդակի հանդիպումներ կանցկացնի Դանիայի և Գրենլանդիայի հետ Գրենլանդիայի հարցի շուրջ։

Նա ասել է, որ Վաշինգտոնն արդեն մշակել է այս հարցի լուծման գործընթաց, որը կհանգեցնի «լավ արդյունքի» բոլորի համար։

«Կարծում եմ՝ մենք կհասնենք դրական արդյունքի։ Մենք այսօր կսկսենք այս գործընթացը շատ պրոֆեսիոնալ ձևով, և այն կլինի կանոնավոր։ Մենք կփորձենք դա անել այնպես, որ ամեն անգամ, երբ այս զրույցները տեղի կունենան, լրատվամիջոցների կրկես չլինի, քանի որ մենք կարծում ենք, որ դա երկու կողմերին էլ ավելի շատ հնարավորություններ կտա դրական արդյունքի հասնելու համար։ Կարծում եմ՝ մենք դրան կհասնենք։ Դավոսում իր ելույթում նախագահ Թրամփը հստակեցրեց, որ Միացյալ Նահանգները ուժ կամ ռազմական ուժ չի կիրառի Գրենլանդիայում։ Մենք որոշակի աշխատանք ունենք անելու, բայց կարծում եմ՝ մենք կհայտնվենք լավ դիրքում, և կարծում եմ՝ շուտով նույնը կլսենք մեր եվրոպացի գործընկերներից», – ասել է ԱՄՆ պետքարտուղարը։