Մարկո Ռուբիո. Իրանում ԱՄՆ-ի գործողությունը կտևի շաբաթներ, այլ ոչ թե ամիսներ. մենք կարող ենք հասնել նպատակներին առանց ցամաքային զորքերի
ԱՄՆ գործողությունները Իրանում կտևեն շաբաթներ, այլ ոչ թե ամիսներ։ Այս մասին «Մեծ յոթնյակի» (G7) արտաքին գործերի նախարարների հանդիպումից հետո հայտարարել է ԱՄՆ պետքարտուղար Մարկո Ռուբիոն։
Հարցին, թե արդյոք ԱՄՆ-ն դիտարկում է զորքերի տեղակայում Մերձավոր Արևելքում՝ Իրանի չեզոքացման փորձերի շրջանակներում, Ռուբիոն պատասխանել է, որ չի խոսի ռազմական տակտիկայի մասին։
Ինչպես նշել է ԱՄՆ արտաքին քաղաքական գերատեսչության ղեկավարը, ԱՄՆ-ն կարող է հասնել իր նպատակներին Իրանում «առանց ցամաքային զորքերի»։
Մարկո Ռուբիոյի հայտարարությամբ՝ Իրանի պատասխանը ԱՄՆ խաղաղության ծրագրին «կարող է հրապարակվել ցանկացած պահի»։
Ռուբիոյի խոսքով՝ Իրանը կարող է որոշել Հորմուզի նեղուցում հարկային համակարգ սահմանել։ ԱՄՆ պետքարտուղարը սա որակում է որպես «անընդունելի» և ասում, որ ամբողջ աշխարհը պետք է «վրդովված» լինի, սակայն հավելում է, որ այն երկրները, որոնց վրա ամենաշատը կազդի հիմնական ծովային երթուղու հնարավոր հարկային համակարգը, «պետք է ինչ-որ բան ձեռնարկեն»։