Մարկո Ռուբիո. Իմ ծրագիրը միշտ էլ եղել է ծառայել նախագահ Թրամփի վարչակազմում մինչև նրա ժամկետի ավարտը, ես ծիծաղում եմ, երբ ասում են, որ ես լքում եմ պաշտոնը

Մարկո Ռուբիոն հերքել է այն տեղեկությունները, որ ինքը պատրաստվում է լքել Թրամփի վարչակազմը՝ ասելով, որ չգիտի, «որտեղից են գալիս այս լուրերը», – ասել է ԱՄՆ պետքարտուղարը The New York Times-ին տված հարցազրույցում։

Ռուբիոյի հայտարարությունը հաջորդել է լրատվամիջոցներում տարածված այն տեղեկություններին, որ ԱՄՆ պետքարտուղարը քննարկում է Թրամփի վարչակազմից հեռանալու հնարավորությունը 2028 թվականի նախագահական ընտրություններին նախապատրաստվելու համար։

«Իմ ծրագիրը միշտ եղել է ծառայել նախագահ Թրամփի վարչակազմում իր ժամկետի մնացած մասը։ Անկեղծ ասած, չգիտեմ, թե որտեղից են գալիս այս լուրերը», – ասել է Ռուբիոն։

Նա ասել է, որ սիրում է իր գործը։

«Բացի այդ, ես միշտ ծիծաղում եմ, երբ ասում են, որ ես լքելու եմ իմ պաշտոնը։ Ես հարցնում եմ՝ «Հատկապես որ պաշտոնը»», – ասել է Ռուբիոն։

Այնուամենայնիվ, երբ լրագրողը հարցրել է, թե արդյոք նա կքննարկի 2028 թվականի նախագահական ընտրություններին մասնակցելու հնարավորությունը, Ռուբիոն խուսափել է պատասխանելուց։

«Ես ոչինչ չեմ ասելու 2028 թվականի մասին։ Ես պարզապես այլևս չեմ խոսելու դրա մասին», – ասել է Ռուբիոն։