«Վրացական երազանք» կուսակցության հիմնադիր և պատվավոր նախագահ Բիձինա Իվանիշվիլին հանդիպել է Վրաստանում Իսրայելի դեսպան Վալիդ Աբու Հայայի հետ
«Վրացական երազանքի» հիմնադիր և պատվավոր նախագահ Բիձինա Իվանիշվիլին հանդիպել է Վրաստանում Իսրայելի դեսպան Վալիդ Աբու Հայայի հետ։
«Վրացական երազանքի» մամուլի ծառայության հաղորդմամբ՝ կուսակցության կենտրոնական գրասենյակում կայացած հանդիպման ժամանակ կողմերը քննարկել են երկու երկրների միջև սերտ համագործակցությունը և այս ուղղությամբ տարբեր ոլորտներում դրական դինամիկան։
«Շեշտը դրվել է Վրաստանի և Իսրայելի միջև 26-դարյա հարաբերությունների և երկու ժողովուրդների միջև հատուկ բարեկամության վրա հիմնված քաղաքական հարաբերությունների վրա։ Ուշադրություն է դարձվել նաև աշխարհում ստեղծված աշխարհաքաղաքական իրավիճակին, և ևս մեկ անգամ ընդգծվել է խաղաղության և կայունության կարևորությունը դիվանագիտական միջոցներով՝ երկրների և ժողովուրդների բարօրության համար։
Բիձինա Իվանիշվիլին հաջողություններ է մաղթել Վալիդ Աբու Հայային իր հետագա գործունեության մեջ։
Հանդիպման ժամանակ պատրաստակամություն է հայտնվել ամրապնդել Վրաստանի և Իսրայելի միջև բարեկամությունն ու գործընկերությունը», – նշվում է տեղեկատվության մեջ։