Մարկո Ռուբիո. Դուք առաջիկա մի քանի շաբաթների ընթացքում կտեսնեք կոնկրետ ջանքեր՝ տեսնելու համար, թե արդյոք կարող ենք վերսկսել Ռուսաստան-Ուկրաինա բանակցությունները և վերջ դնել այս պատերազմին
Առաջիկա շաբաթներին դուք կտեսնեք կոնկրետ ջանքեր՝ պարզելու համար, թե արդյոք մենք կարող ենք վերսկսել Ռուսաստանի և Ուկրաինայի միջև բանակցությունները և վերջ դնել այս պատերազմին, – Fix News-ին տված հարցազրույցում ասել է ԱՄՆ պետքարտուղար Մարկո Ռուբիոն։
Նրա խոսքով՝ մոտ ապագայում կակտիվանան դիվանագիտական ջանքերը, որոնց նպատակն է վերջ դնել Ռուսաստան-Ուկրաինա պատերազմին։
Սակայն, ինչպես նշել է ԱՄՆ պետքարտուղարը, գործընթացի հաջողությունը երաշխավորված չէ։
«Մենք նաև հասկանում ենք, որ երկու կողմերն էլ ունեն բավականին հստակ «կարմիր գծեր»։ Մինչև մենք չկարողանանք որոշ չափով մոտեցնել այդ «կարմիր գծերը», մենք չենք հասնի ցանկալի արդյունքի», – նշել է Ռուբիոն։
Լրատվամիջոցների հաղորդագրությունների համաձայն՝ ԱՄՆ նախագահ Դոնալդ Թրամփի հատուկ ներկայացուցիչներ՝ Սթիվ Վիտկոֆը և Ջարեդ Քուշները, հավանաբար կայցելեն Կիև՝ Ուկրաինայի Անկախության օրվա տոնակատարության ժամանակ։