Մենք տեսնում ենք միտումնավոր ստեր և միգրացիան ներդրումների հետ կապելու փորձեր: Մենք բոլորս շատ լավ գիտենք, որ Վրաստանն ունի միգրացիայի մասին օրենք, ավելին, մեր երկիրը առանձնանում է անօրինական միգրացիայի վերաբերյալ իր խիստ քաղաքականությամբ: Այսպիսով, Eagle Hills-ի խոշորածավալ ներդրման շրջանակներում անօրինական միգրացիայի ռիսկը զրոյական է,- ասել է էկոնոմիկայի և կայուն զարգացման նախարար Մարիամ Քվրիվիշվիլին:

Ինչպես նշեց նախարարը, անօրինական միգրացիայի հնարավոր աճի հետ կապված նման սպեկուլյատիվ հայտարարություններն ու կարծիքները որևէ կապ չունեն Eagle Hill-ի ներդրման հետ:

ԱՄԷ-ի խոշորագույն զարգացման ընկերություններից մեկի՝ Eagle Hills-ի և Վրաստանի կառավարության միջև ստորագրված համաձայնագրի շրջանակներում Վրաստանում կիրականացվեն աննախադեպ ծավալի երկու նախագծեր՝ ավելի քան 6,5 միլիարդ դոլար արժողությամբ: Սա Վրաստանի պատմության մեջ ամենամեծ օտարերկրյա ներդրումն է, որը կփոխակերպի Թբիլիսիի և Բաթումիի տեսքը և քաղաքներում կստեղծի համաշխարհային ճանաչում ունեցող համալիրներ: Թբիլիսիի և Գոնիոյի նախագծերը կնպաստեն Վրաստանի համախառն ներքին արդյունքի աճին, տարեկան կգրավեն հարյուր հազարավոր այցելուներ և կստեղծեն հազարավոր աշխատատեղեր:

Հաղորդում է Վրաստանի էկոնոմիկայի և կայուն զարգացման նախարարությունը: