Մարդիկ ցանկանում են խաղաղություն, կայունություն և ցանկանում են կենտրոնանալ այն խնդիրների վրա, որոնք անդրադառնում են իրենց առօրյա կյանքի վրա, – այս մասին Վրաստանի Առաջին ալիքին ասել է, Եվրախորհրդարանի պատվիրակության անդամ, Եվրապատգամավոր Մարինա Կալիուրանդը:

«Ես զրուցել եմ մարդկանց հետ, ինչպես «Վրացական երազանքի», այնպես էլ ընդդիմության կողմից: Մարդիկ ասում են, որ հոգնել են: Նրանք հոգնել են քաղաքական առճակատումից, բևեռացումից: Սա այն ուղերձն էր, որ ես ստացա վրաց ժողովրդից `ընտրությունները դիտարկելիս: Մարդիկ ցանկանում են խաղաղություն, կայունություն և ցանկանում են կենտրոնանալ այն խնդիրների վրա, որոնք ազդում են իրենց առօրյա կյանքի վրա», – ասել է Մարինա Կալիուրանդը:

Նրա խոսքով ՝ Վրաստանը Եվրամիության սերտ գործընկերն է, և Եվրամիությունը հավատարիմ է Վրաստանի ժողովրդավարական բարեփոխումներին:

«Մենք կշարունակենք դա անել այնքան ժամանակ, քանի դեռ Վրաստանը ժողովրդավարության ճանապարհին է, բայց հիմա ես բոլոր քաղաքական ուժերին կոչ կանեմ երկրի շահերը վեր դասել կուսակցական շահերից, հանգստացնել երկիրը և շարունակել աշխատանքը իսկապես հուզող հարցերի շուրջ: Տնտեսություն, Կովիդ, ժողովրդավարական և սահմանադրական բարեփոխումներ, դատական ​​համակարգ, ընտրական օրենսգիրք ՝ շատ անելիքներ կան», – ասել է Մարինա Կալիուրանդը: