Անտալիայի դիվանագիտական ֆորումի շրջանակներում Վրաստանի արտաքին գործերի նախարար Մակա Բոճորիշվիլին հանդիպում է ունեցել Ալբանիայի Հանրապետության եվրոպական և արտաքին գործերի նախարար Ֆերիտ Հոջայի հետ։

Հանդիպման շրջանակներում կողմերը քննարկել են հարաբերությունների հիմնական ուղղությունները և դրանց խորացման հնարավորությունները ինչպես երկկողմ և բազմակողմ ձևաչափերում, այնպես էլ Արևմտյան Բալկանների տարածաշրջանի հետ համագործակցության համատեքստում։

Ընդգծվել են Եվրամիությանն ինտեգրվելու ընդհանուր ձգտումները և այդ առումով փորձի փոխանակման կարևորությունը։

Մակա Բոճորիշվիլին շնորհավորել է ալբանացի գործընկերոջը պաշտոնում նշանակվելու կապակցությամբ և հաստատել նրա հետ հետագա համագործակցության պատրաստակամությունը։

Տեղեկատվությունը տարածում է Վրաստանի արտաքին գործերի նախարարությունը։