Ադրբեջանը մեզ համար կարևոր ռազմավարական գործընկեր է։ Հատկապես, երբ խոսում ենք մեր տարածաշրջանի՝ որպես միջին միջանցքի զարգացման հեռանկարների մասին, Ադրբեջանի հետ հարաբերությունները հատուկ նշանակություն ունեն, և այս համատեքստում այսօր ստորագրվեցին իսկապես կարևոր համաձայնագրեր,- ասաց Վրաստանի արտաքին գործերի նախարար Մակա Բոճորիշվիլին։

Նախարարի խոսքով՝ կարևոր է, որ Վրաստանը լիարժեք օգտագործի իր տարանցիկ ներուժը։

«Տրանզիտային ներուժի հետ կապված հարցերից բացի, կարևոր էր նաև Ադրբեջանի որոշումը՝ վերսկսել երկու երկրների միջև ուղևորատար գնացքների երթևեկությունը։ Սա կարևոր է ինչպես մեր քաղաքացիների, այնպես էլ Ադրբեջանի համար։ Այս որոշումը զգալիորեն կնպաստի մարդկանց միջև հարաբերություններին։ Վրաստանի տարանցիկ ներուժը հետաքրքիր է ոչ միայն մեր տարածաշրջանի երկրների, այլև այլ երկրների համար։ Աֆրիկյան մայրցամաքում գոյություն ունեցող ներուժը աճում է, և կարևոր է, որ մենք այն ճիշտ օգտագործենք։ Այս համատեքստում, իհարկե, լավ հնարավորություն էր հանդիպել Քենիայի նախագահի հետ», – ասաց Բոճորիշվիլին։