Մակա Բոճորիշվիլի. «Վրաստանը կարևոր ավանդ ունի «Միջին միջանցքի» զարգացման գործում. երբ խոսքը վերաբերում է տարածաշրջանի ցանկացած տարանցիկ նախագծի, անհնար է շրջանցել Վրաստանը»
«Անհնար է անտեսել Վրաստանի դերը Միջին միջանցքում», – այս մասին հայտարարել է Վրաստանի արտաքին գործերի նախարար Մակա Բոճորիշվիլին:
Նրա խոսքով՝ Վրաստանը նշանակալի ավանդ ունի Միջին միջանցքի զարգացման գործում։
«Վրաստանը կարևոր ներդրում ունի Միջին միջանցքի զարգացման գործում։ Հետևաբար, երբ խոսքը վերաբերում է տարածաշրջանում ցանկացած տարանցիկ նախագծի իրականացմանը, անհնար է շրջանցել Վրաստանը. սա իրական տվյալ է, և դրանում զարմանալի ոչինչ չկա, երբ Միջին միջանցքի մասին խոսակցությունները չեն լինում առանց Վրաստանի», – նշել է Բոճորիշվիլին:
Տեղեկության համար՝ «Euronews»-ը պատրաստել է հոդված, որում ասվում է. «ԱՄՆ-ն և Ադրբեջանը սկսում են «Թրամփի ճանապարհ» նախագծի իրականացումը, որն ավելի լայն՝ Միջին միջանցքի մի մասն է և ներառում է նաև Վրաստանը»։