Երբ մենք խոսում ենք կապի մասին, Վրաստանն այստեղ ունի հատուկ դեր։ Վրաստանի վարչապետի մասնակցությունը Եվրոպական քաղաքական միության ութերորդ հանդիպմանը և կապի վերաբերյալ քննարկմանը, իհարկե, կարևոր է,- այս մասին հայտարարել է Վրաստանի արտաքին գործերի նախարար Մակա Բոճորիշվիլին։

Նախարարի խոսքով, կլոր սեղան կանցկացվի Եվրոպական քաղաքական միության ութերորդ հանդիպման շրջանակներում, որը տեղի է ունենում Երևանում։

«Եվրոպական քաղաքական միության ութերորդ հանդիպումը տեղի է ունենում Երևանում, և վարչապետը կմասնակցի այս հանդիպմանը։ Կանցկացվի կլոր սեղան, որը կվերաբերի կապի և տնտեսական անվտանգության հարցերին։ Սա կարևոր է ինչպես Եվրամիության անդամ պետությունների, այնպես էլ ընդհանուր առմամբ եվրոպական տարածաշրջանի համար։ Վրաստանն ունի հատուկ դեր, երբ մենք խոսում ենք կապի մասին, և, իհարկե, կարևոր է վարչապետի մասնակցությունը այս ձևաչափով այս քննարկումներին», – ասել է Բոճորիշվիլին։

Վրաստանի վարչապետ Իրակլի Կոբախիձեն կմասնակցի Եվրոպական քաղաքական միության 8-րդ գագաթնաժողովին, որը հյուրընկալում է Հայաստանը։ Վարչապետը Երևան է ժամանել Վրաստանի փոխվարչապետ և արտաքին գործերի նախարար Մակա Բոճորիշվիլիի և կառավարության աշխատակազմի ղեկավար Լևան Ժորժոլիանիի հետ միասին։