ՄԱԿ-ի Պաղեստինի փախստականների գործակալության ղեկավար. Չնայած մարտավարական դադարի հայտարարությանը, ռազմական գործողությունները Ռաֆահում և Գազայի հարավում շարունակվում են
The United Nations Relief and Works Agency for Palestine Refugees in the Near East (UNRWA) Commissioner-General Philippe Lazzarini looks on during a press conference in Geneva on January 24, 2023. UNRWA, appealed on January 24, 2023 for 1,6 billion USD for its work in 2023, as it struggles to overcome chronic budget shortfalls. (Photo by Fabrice COFFRINI / AFP)
Ռազմական գործողությունները Ռաֆահում և Գազայի հարավում շարունակվում են, չնայած այն հանգամանքին, որ իսրայելական բանակը մարտավարական դադար է հայտարարել հումանիտար օգնություն տրամադրելու համար, Օսլոյում լրագրողներին ասել է փախստականների հարցերով ՄԱԿ-ի գործակալության ղեկավար Ֆիլիպե Լազարինին։
Լազարինի խոսքով՝ ռազմական գործողություններում դադար չի եղել։
«Տեղեկություններ տարածվեցին, որ նման որոշում է կայացվել, բայց քաղաքական մակարդակում ասում են, որ նման որոշում չի կայացվել։ Ուստի այս պահին կարող եմ ձեզ ասել, որ Ռաֆահում և Գազայի հարավում մարտերը շարունակվում են, իսկ օպերատիվ առումով դեռ ոչինչ չի փոխվել»,- ասել է Պաղեստինի փախստականների հարցերով ՄԱԿ-ի գործակալության ղեկավարը։
Իսրայելի պաշտպանության ուժերը անցյալ շաբաթվա վերջին հայտարարեցին, որ կհայտարարեն Կերեմ Շալոմ անցակետից դեպի Գազայի հատված մարտական ամենօրյա դադարներ: Ավելի ուշ բանակը պարզաբանել է, որ Ռաֆահում բնականոն գործողությունները շարունակվելու են։ Իսրայելի բանակը երկուշաբթի օրը հայտարարել է, որ իր ուժերը կշարունակեն կենտրոնացված, հետախուզական գործողություններ իրականացնել Ռաֆահի շրջանում, որոնք կներառեն զինյալների ներգրավումը, զենքի առգրավումն ու ոչնչացումը: