ՄԱԿ-ը հայտարարում է, որ Ալեքսեյ Նավալնիի մահվան փաստը պետք է հետաքննի անկախ մարմինը
UN Logo
Միավորված ազգերի կազմակերպությունը հայտարարում է, որ Ալեքսեյ Նավալնիի մահվան փաստը պետք է հետաքննի անկախ մարմինը։ Տեղեկությունը տարածում է BBC-ն։
Ժնևում տարածված հայտարարության մեջ ՄԱԿ-ի գրասենյակը նշել է, որ բազմիցս մտահոգություն է հայտնել Նավալնիի ձերբակալության կապակցությամբ:
ՄԱԿ-ի մարդու իրավունքների հանձնակատար Ֆոլկեր Տյուրկը հրապարակավ կոչ արեց ազատ արձակել նրան անցյալ ամառ՝ ասելով, որ իր երկարաժամկետ դատավճիռը ցույց է տալիս, որ Ռուսաստանը դատական համակարգը օգտագործում է քաղաքական նպատակներով:
«Եթե ինչ-որ մեկը մահանում է պետության կալանքի ընթացքում , ենթադրվում է, որ պետությունը պատասխանատու է դրա համար»,- ասված է ՄԱԿ-ի հայտարարության մեջ։
Ալեքսեյ Նավալնին մահացել է ՔԿՀ-ում. Ռուսական լրատվամիջոցների փոխանցմամբ՝ Նավալնին թիվ 3 գաղութում դրսում զբոսնելիս թուլություն է զգացել ու կորցրել գիտակցությունը։ Շտապ բուժօգնության խումբը հաստատել է Ալեքսեյ Նավալնիի մահը։