Մահացել է Վրաստանի ֆուտբոլի ազգային հավաքականի նախկին ավագ Գիորգի Նեմսաձեն #1TVSPORT

Մահացել է Վրաստանի ազգային հավաքականի և «Դինամո Թբիլիսիի» նախկին կիսապաշտպան և ավագ Գիորգի Նեմսաձեն։

1988-1991 և 1993-1995 թվականներին նա խաղացել է Թբիլիսիի «Դինամո»-ում, 1991-1992 թվականներին՝ «Գուրիա Լանչխուտի»-ում, 1992-1993 թվականներին՝ Թբիլիսիի «Շևարդեն»-ում, խաղացել է նաև գերմանական «Համբուրգ»-ում, թուրքական «Տրաբզոնսպոր»-ում, շվեյցարական «Գրասհոպերս»-ում, իտալական «Ռեջինա»-ում, Թբիլիսիի «Լոկոմոտիվ»-ում, եղել է շոտլանդական «Դանդի»-ի ավագը և կարիերան ավարտել է «Դինամոյում»։

1992-2004 թվականներին նա Վրաստանի ազգային հավաքականի կազմում խաղացել է 69 խաղ։ 2011 թվականի մարտին նա նշանակվել է Թբիլիսիի «Դինամո»-ի սպորտային տնօրեն, սակայն մեկուկես տարի անց լքել է ակումբը և սկսել մարզչական աշխատանքը։

Նա Վրաստանի ազգային հավաքականի ավագն էր 42 խաղում։ 2017 թվականից նա Վրաստանի մինչև 17 տարեկանների հավաքականի գլխավոր մարզիչն է, որտեղ մարզել է Խվիչա Կվարացխելիային և նրա սերնդին։