Լրատվամիջոցների տեղեկություններով՝ Շվեյցարիան պատրաստ է կազմակերպել Դոնալդ Թրամփի և Վլադիմիր Պուտինի հանդիպումը
Շվեյցարիան իր պատրաստակամությունն է հայտնում կազմակերպել ԱՄՆ նորընտիր նախագահ Դոնալդ Թրամփի և Ռուսաստանի նախագահ Վլադիմիր Պուտինի հանդիպումը։ Այդ մասին շվեյցարական Le Temps թերթին տված հարցազրույցում հայտարարել է երկրի արտաքին գործերի նախարարության տեղեկատվական ծառայության ղեկավար Նիկոլա Բիդոն։
«Բյուրգենշտոկում կայացած գագաթնաժողովից ի վեր մենք պարբերաբար տեղեկացրել ենք Ուկրաինային, Ռուսաստանին և Միացյալ Նահանգներին մեր պատրաստակամության մասին՝ աջակցելու խաղաղություն հաստատելու ցանկացած դիվանագիտական ջանքերին», – ասել է ԱԳՆ ներկայացուցիչը։