Լրացել է Գիորգի Անծուխելիձեի անվան սերժանտական ակադեմիայի հիմնադրման 20 տարին
Լրացել է Գիորգի Անծուխելիձեի անվան սերժանտական ակադեմիայի հիմնադրման 20 տարին։
Պաշտպանության ուժերի հրամանատար, գեներալ-մայոր Գիորգի Մաթիաշվիլին և պաշտպանության փոխնախարար Գրիգոլ Գիորգաձեն շնորհավորել են սերժանտներին ակադեմիայի տարեդարձի կապակցությամբ և խոսել սերժանտական ակադեմիայի կարևորության մասին։
Միջոցառմանը ներկա էին պաշտպանության փոխնախարարը, ՊԲ հրամանատարի տեղակալները, ՊԲ ներկայացուցիչներ և Վրաստանի ազգային հերոս Գիորգի Անծուխելիձեի ընտանիքի անդամները։
Պաշտպանության նախարարության ղեկավարները ծաղկեպսակ են դրել Վրաստանի տարածքային ամբողջականության համար զոհված հերոսների հուշակոթողին։ Տեղի է ունեցել նաև պարգևատրման արարողություն։ Պաշտպանության փոխնախարարը Գիորգի Անծուխելիձեի անվան սերժանտական ակադեմիայի զինծառայողներին ծառայողական պարտականությունները կատարելիս ցուցաբերած բարձր պրոֆեսիոնալիզմի համար պարգեւատրել է շտատային զենքով։
Գերմանական կողմի օգնությամբ 2003 թվականի մարտի 25-ին ստեղծվել է սերժանտական պատրաստության դպրոցը, որտեղ ՆԱՏՕ-ի չափանիշներին մոտ ծրագրով իրականացվել է սերժանտների վերապատրաստում։
Տեղեկությունը տարածում է Վրաստանի պաշտպանության նախարարությունը։