Լիտվան պահանջում է Արչիլ Տատունաշվիլիի մահվան հարցը քննարկել Եվրամիությունում: Այս մասին Լիտվայի արտաքին գործերի նախարար Լինաս Լինկևիչուսը գրել է իր Թվիթերի էջում:

«Բռնակալ ռեժիմի գարշելի պատկեր Ռուսաստանի կողմից բռնագրաված Հարավային Օսիայում: Դատապարտում եմ Վրաստանի քաղաքացիների հետապնդումը, պահանջում տեղում ստեղծել մարդու իրավունքների պաշտպանության և անվտանգության մեխանիզմներ: Այս հարցը բարձրացնելու եմ Եվրամիության արտաքին հարաբերությունների խորհրդի վաղվա նիստին»,-գրել է Լինկևիչուսը:

Հիշեցնենք, փետրվարի 22-ին բռնազավթված Ցխինվալի ներկայացուցիչները ձերբակալել էին Վրաստանի քաղաքացիների: Նրանցից մեկը Արչիլ Տատունաշվիլին մահացել էր անհայտ պատճառներով:

The ugly face of oppressive regime in Russia's occupied South Ossetia. Condemn persecutions against Georgian citizens and echo the call to establish international human rights and security mechanisms on the ground. I will raise this issue during tomorrow's meetings in #FAC. https://t.co/wofmsplTIa

— Linas Linkevicius (@LinkeviciusL) February 25, 2018