Լիտվայի կառավարությունն Արևելյան գործընկերության չորս անդամներին, այդ թվում՝ Վրաստանին, դեղամիջոցներ գնելու համար կհատկացնի 100 հազար եվրո: Այս մասին Լիտվայի արտաքին գործերի նախարար Լինաս Լինկևիչուսը գրել է «Թվիթեր» սոցիալական ցանցում:

«Լիտվան շարունակում է աջակցել Արևելյան գործընկերներին. Լիտվայի կառավարությունը որոշել է, 100 հազար եվրո հատկացնել լիտվական ընկերությունների կողմից արտադրված դեղամիջոցներ գնելու համար Հայաստանին, Վրաստանին, Մոլդովային և Ուկրաինային, մարդասիրական օգնության տեսքով՝ կորոնավիրուսի դեմ պայքարում»,- գրում է Լինաս Լինևիչուսը:

Լիտվայի կառավարությանը շնորհակալություն է հայտնել Վրաստանի արտաքին գործերի նախարար Դավիթ Զալկալիանին:

Grateful for our Lithuanian Friends for continuous solidarity that has been demonstrated numerous times. Deeply appreciate the solid help provided for fighting against common threat #Covid19. Strenght is in unity and together we will succeed @LinkeviciusL https://t.co/ibfPOxa3KA

— David Zalkaliani (@DZalkaliani) April 22, 2020