ԵՄ ընդլայնման մասին զեկույցը չի վերաբերում վիզային ռեժիմի ազատականացման մասին զեկույցին, սրանք երկու տարբեր փաստաթղթեր են, ասել է Վրաստանի խորհրդարանի եվրոպական ինտեգրման կոմիտեի նախագահ Լևան Մախաշվիլին։

Մախաշվիլիի խոսքով՝ Եվրահանձնաժողովը առանձին զեկույց կհրապարակի, ամենայն հավանականությամբ, նոյեմբերին։

«Վերջին երեք-չորս տարիների պրակտիկան ցույց է տալիս, որ, որպես կանոն, այս թեմաները չեն ներառվում ընդլայնման մասին զեկույցում։ Կարող է ընդհանուր քննարկում լինել այն մասին, թե ինչ է անում Վրաստանը սահմանների պաշտպանության և հանցագործության դեմ պայքարի ուղղությամբ՝ հարցեր, որոնք վիզային ռեժիմի ազատականացման գործողությունների ծրագրի իրականացման մասին զեկույցի մաս են կազմում։ Տեղեկատվական տեսանկյունից կարող են լինել որոշակի համընկնումներ, բայց Եվրահանձնաժողովի առաջարկությունը այս զեկույցում չի լինի։ Սա զեկույցի նպատակը չէ։ Մենք այս գնահատականները Եվրահանձնաժողովից կլսենք մեկ այլ զեկույցում, որը, ամենայն հավանականությամբ, կհրապարակվի նոյեմբերին, բայց մի փոքր ավելի ուշ», – ասել է Լևան Մախաշվիլին։