Բոլոր ձևաչափերով՝ լինի դա դատական, թե այլ օրինական ճանապարհով, մենք կփորձենք թույլ չտալ, որ «Նամախվան ՀԷԿ»-ի հարցը դառնա անդառնալի խնդիր և այն փուլ առ փուլ փակենք, – այս մասին հայտարարել է խորհրդարանական մեծամասնության անդամ Լևան Մախաշվիլին։

Նրա խոսքով՝ իշխանությունն ամեն ինչ անում է, որպեսզի «Նամախվան ՀԷԿ»-ի գործը չծանրանա պետական բյուջեի վրա։

«Պետք է ասել, որ այս տարիների ընթացքում «Նամախվան ՀԷԿ»-ի գործի հետ կապված տեսանք, թե ինչպիսի հարձակում էր իրականացվում պետության էներգետիկ անկախության, պետության գործունեության կրիտիկական գործոնների և բաղադրիչների վրա։ Դա միանշանակ դիվերսիա էր պետության տնտեսական կամ էներգետիկ անկախության դեմ։ Հասարակությունը նաև տեսնում է, որ Վրաստանի իշխանությունն ամեն ինչ անում է, որպեսզի այս խնդիրը չծանրանա պետական բյուջեի և, ի վերջո, հասարակության բնականոն զարգացման վրա։ Բոլոր ձևաչափերով՝ լինի դա դատական, թե այլ օրինական ճանապարհով, կփորձենք այս հարցը չդարձնել անդառնալի խնդիր և փուլ առ փուլ փակել այն», – նշել է Մախաշվիլին։

Տեղեկության համար՝ Փարիզի վերաքննիչ դատարանը «Նամախվան ՀԷԿ»-ի գործով հաստատել է միջազգային արբիտրաժի որոշումը, որի համաձայն՝ Վրաստանին պարտավորեցվել է «Էնկա» ընկերությանը վճարել 400 միլիոն ԱՄՆ դոլար, սակայն կասեցրել է դրա կատարումը, մինչև վերաքննիչ դատարանը կկայացնի վերջնական դատավճիռը։