«Ընդդիմության դաշինքի» հետաքրքրությունն այլ տեղ է՝ այլ երկրներում, և ոչ թե սեփական բնակչության մեջ. այս մասին հայտարարել է խորհրդարանի եվրոպական ինտեգրման հանձնաժողովի նախագահ Լևան Մախաշվիլին։

Նրա խոսքով՝ «Ընդդիմության դաշինքը» չի հիմնվում բնակչության շահերի վրա, և նրանց համար գլխավորը իշխանության վերաբաշխումն է։

«Երբ շեշտը դրվում է ձևի, այլ ոչ թե բովանդակության վրա, ցանկացած նման հարթակ դատապարտված է ձախողման։ Նրանց չի օգնի ո՛չ դռնեդուռ ընկնելը, ո՛չ էլ որևէ այլ տեղ գնալը, եթե բովանդակությունը բնակչությանը հասնելն ու նրանց շահերը հաշվի առնելը չէ։ Մնացած ամեն ինչ մակերեսային է։ Նրանց հետաքրքրությունն այլ տեղ է՝ այլ երկրներում, և ոչ թե սեփական բնակչության մեջ։ Երբ լինեն նման մակերեսային հարթակներ, դրանք կլինեն կեղծ։ Երբ ինչ-որ բան արմատ և հիմք չունի, դաշինք կկոչվի, թե այլ բան, դատապարտված է ձախողման։ Գեղեցիկ բառերով «դաշինք» ստեղծեցին, ինչ-որ գույներով, սակայն դեռ չստեղծված՝ արդեն անցան առճակատման։ Ինչո՞ւ։ Որովհետև դա չի հիմնվում բնակչության շահերի վրա, այն հիմնված է իշխանության և էգոների վերաբաշխման վրա»,- հայտարարել է Մախաշվիլին։