Լևան Մաչավարիանին՝ «Համաձայն եմ հասարակական կազմակերպությունների հետ, որ Սահակաշվիլին քաղբանտարկյալ չէ, նաև համաձայն եմ Սահակաշվիլու հետ, որ «ՀԿ-ները» «դրամաշնորհակերներ» են»
«Սա միակ դեպքն է, երբ համաձայն եմ Սահակաշվիլիի հետ, որ ոչ կառավարական կազմակերպություններին «դրամաշնորհակերներ» (գրանտիճամիեբի) անվանեց»,— այս մասին հայտարարել է խորհրդարանական մեծամասնության անդամ Լևան Մաճավարիանին։
Լևան Մաճավարիանին նաև հայտարարում է, որ ոչ կառավարական կազմակերպությունների հետ էլ համաձայն է նրանում, որ Սահակաշվիլին քաղբանտարկյալ չէ։
«Երկուսն էլ ճիշտ են՝ այն, որ ոչ կառավարական կազմակերպությունները «դրամաշնորհակերներ» են, և որ Միխեիլ Սահակաշվիլին քաղաքական բանտարկյալ չէ։ Հարուստ ՀԿ-ները սուտ են տարածում, որովհետև լկտիություն է պնդելը, թե Սահակաշվիլին քաղաքական հետապնդյալ է։ Մնացած ամեն ինչը, ինչ տարածում են, 99%-ով նմանատիպ լկտիություն է, սակայն այն, որ Սահակաշվիլին քաղբանտարկյալ չէ, դա բոլորը գիտեն՝ Սահակաշվիլիի կողմնակիցների գլխավորությամբ։ Հավանաբար մտածում են՝ նման լկտիություն այլևս չտարածեն և ավելի համոզիչ լինեն, սակայն իրենց հայտարարություններից միայն Սահակաշվիլիին հանելը չի օգնի նրան, որ մնացած մասին հասարակությունը հավատա»,— հայտարարել է Լևան Մաճավարիանին։
Հիշեցնենք, որ նախկին նախագահ Միխեիլ Սահակաշվիլին հուլիսի 22-ին սոցիալական ցանցում գրել էր. «Լիովին ամոթալի կերպով «Թրանսփարենսի Ինթերնեշնլ Վրաստանը» (საერთაშორისო გამჭვიրვალობა – საქართველო), իմ գերության հինգերորդ տարում, ինձ չընդգրկեց քաղբանտարկյալների ցուցակում։ Հույս ունեմ՝ կհայտնվեն ազնիվ ոչ կառավարականներ ևս, որոնք ձայն կբարձրացնեն այս անարդարության դեմ»։
Հուլիսի 23-ին Միխեիլ Սահակաշվիլին ևս մեկ գրառում է հրապարակել, որում ասվում է, որ «ոչ կառավարականների մի մասը վաղուց կտրվել է ժողովրդից և այդ պատճառով զրոյական կապ ունի ժողովրդի հետ։ Ես կատեգորիկ դեմ եմ ոչ կառավարականների ճնշմանն ու արգելմանը, բայց նաև ճշգրիտ գիտեմ, որ ընդհանուր առմամբ հասարակությունն իրեն չի կոտորի նրանց պաշտպանելու համար՝ վերը նշված պատճառներով»։