«Կառավարության բոլոր որոշումները լիովին թափանցիկ են, փոխվել է գույքի ուղիղ սեփականաշնորհման կանոնակարգը, և ուժեղացվել է վերահսկողական ծառայությունը, որի հիմնական գործառույթներից մեկն է կոռուպցիայի վերացումը», – այս մասին հայտարարել է խորհրդարանական մեծամասնության անդամ Լևան Մաճավարիան։

Նրա խոսքով՝ կառավարությունն անզիջում պայքար է հայտարարել կոռուպցիայի դեմ և չի պատրաստվում համաձայնության գալ դրա հետ։

«Հատուկ ծառայության հայտարարությունների համաձայն՝ հանցագործության նշաններ են ի հայտ գալիս, ինչը ցավալի է։ Պետք է սպասենք քննության արդյունքներին, սակայն մենք ապրում ենք ներկայի մեջ, և քաղաքացիների համար հաճելի է տեսնել, որ բոլոր կառավարական որոշումները լիովին թափանցիկ են, փոխվել է գույքի ուղիղ սեփականաշնորհման կարգը, և վերահսկողական ծառայությունը դարձել է ավելի ուժեղ, որի կարևոր գործառույթներից մեկն է կոռուպցիայի վերացումը։ Այս ամենը վկայում է, թե որքան անզիջում պայքար ենք մղում կոռուպցիայի դեմ։ Մենք կոռուպցիայի հանդեպ կուռ կլինենք՝ լինի դա մեր մտերիմ ընկերը կամ թիմակիցը։ Մեր հստակ հայտարարած նպատակն է՝ աշխարհում մտնել կոռուպցիայի ամենացածր մակարդակ ունեցող երեք երկրների շարքը։ Սա նշանակում է, որ եթե որևէ փաստ արձանագրվի, ոչ ոք աչք չի փակելու դրա վրա։ Ցանկացած մարդ երկու անգամ կմտածի, նախքան պետության դեմ քայլ անելը կամ անօրինական ճանապարհով գումար յուրացնելը», – նշել է Լևան Մաճավարիան։