Ես ուղղակի փաստ եմ հայտարարել, խարան չեմ սերմանել։ Ես այս մասին խոսում եմ իմ ընտրության առաջին իսկ օրվանից, հետևաբար, սա փաստ է, որի մասին ես խոսել և կարծում եմ, որ որտեղ կան անչափահասներ և երեխաներ, այդ շենքում չպետք է մեթադոնային ծրագիր իրականացվի,- ասել է Ժողովրդական պաշտպան Լևան Իոսելիանին:

Օմբուդսմենի խոսքով՝ իր կողմից անձնական տվյալներ չեն բացահայտվել։

«Սա ոչ մի կերպ չի նշանակում, որ ես բացասական եմ վերաբերվում որևէ խմբի։ Առհասարակ որեւէ խմբի նկատմամբ առանձնապես բացասական վերաբերմունք չունեմ, չեմ էլ կարող ունենալ։ Ես շատ լավ հասկանում եմ այս մարդկանց կարիքները, և շատ լավ հասկանում եմ այս ծրագրի անհրաժեշտությունը։ Կարծում եմ՝ այս աժիոտաժը լրիվ արհեստական ​​էր, քանի որ ոչ մի անձնական տեղեկություն իմ կողմից չբացահայտվեց։ Ուրախ եմ, որ Անձնական տվյալների պաշտպանության տեսուչը հետաքննություն է սկսել և, հավանաբար, պատասխան կտա՝ բացահայտվե՞լ են արդյոք անձնական տվյալները։ Սպասենք որոշմանը»,- ասել է Իոսելիանին։