Լեռնային Ղարաբաղի հակամարտությունը չպետք է դուրս գա Ադրբեջանի և Հայաստանի սահմաններից,- այս մասին նախագահ Իլհամ Ալիևը հայտարարել է ռուսական լրատվամիջոցներին տված հարցազրույցում:

Նրա խոսքով, Ադրբեջանը կվերադառնա բանակցային սեղանին, ռազմական առճակատման փուլի ավարտից հետո:

Նախագահը գտնում է, որ Հայաստանը փորձում է միջազգայնացնել Լեռնային Ղարաբաղի հիմնախնդիրը և նրանում ներգրավել եվրոպական երկրներին և հավաքական անվտանգության պայմանագրի կազմակերպության մասին համաձայնագիրը:

«Հակամարտությունը չպետք է դուրս գա Հայաստանի ու Ադրբեջանի սահմաններից: Հայկական կողմը անհաջող փորձում է ներգրավել այս առկաճատման մեջ հավաքական անվտանգության մասին պայմանագրի կազմակերպությանը, եվրոպական երկրներին և փորձում է միջազգայնացնել այս հակամարտությունը: Չնայած Հայաստանի տարածքից հրետանային հարձակումներին, մենք ոչ մի հարված չենք հասցնում Հայաստանի տարածքին, չենք անցնում Հայաստանի տարածքը, չնայած դրա համար կան բոլոր հնարավորությունները: Եթե ​​մենք խոսում ենք խաղաղության մասին, ապա առաջին հերթին ես դա տեսնում եմ որպես քաղաքական կարգավորում, որը կլինի համապարփակ, երկարաժամկետ, մշտական, առաջատար երկրների լուրջ երաշխիքների պայմաններում, երկրների, որոնք ընդունելի կլինեն և՛ Ադրբեջանի, և՛ Հայաստանի համար: Ես չեմ բացառում, որ այդ երկրների կազմը կարող է տարբերվել Մինսկի խմբի կազմից»,- ասել է Ալիևը: