«ԲիԲիՍին» իր սեփական հետաքննողական ռեպորտաժը պատրաստել է կոնկրետ ապացույցի հիման վրա, իսկ ՊԱԾ-ի ճեպազրույցում մենք ոչ մի ապացույց չենք տեսել՝ ոչ հանձնում-ընդունման ակտ, ոչ պայմանագիր, ոչ էլ այն իսրայելական ընկերությունը, որի մասին խոսք էր գնում, – այս մասին հայտարարել է «Ազգային շարժման» անդամ Լաշա Ֆարուլավան։

Նրա խոսքով՝ ՊԱԾ-ի կողմից միայն դեկտեմբերի 4-5-ի իրադարձությունների մասին խոսելը և դրանով բոլոր հանցավոր գործընթացների թաքցնելը ցույց է տալիս, որ այժմ ընթանում է այսպես կոչված իրավական քննչական գործընթաց Իվանիշվիլու և նրա ռեժիմի հանցագործությունները կոծկելու նպատակով։

«Ակնհայտ է, մեր համաքաղաքացիները, ովքեր չեն կարողանում Վրաստանում գտնել ճշմարտությունը, այն անպայման կգտնեն միջազգային քննության շրջանակում։ Սա հանցագործության թաքցնելու փորձ է, սա զեկուցագիր էր Իվանիշվիլու համար։ Մդինարաձեն այս կերպ ուղղակիորեն ասում է մեր համաքաղաքացիներին, որ նրանք չեն գտնի ճշմարտությունը Վրաստանում։

Բացի այդ, գոյություն ունի Մամուկա Մդինարաձեի կողմից պատրաստված օրենսդրական նախաձեռնություն խորհրդարանում, որը նպատակ ուներ սահմանափակել մամուլը, և այնտեղ նշված էր, որ առաջնորդվում էին «ԲիԲիՍի»-ի ստանդարտով, իսկ հիմա «ԲիԲիՍի»-ն հայտարարվում է թշնամի։ Ակնհայտ է, եթե մեր համաքաղաքացիները չեն կարողանում հասնել ճշմարտությանը Վրաստանում, նրանք անպայման կհասնեն դրան միջազգային քննության ընթացակարգերի միջոցով։ Ես վստահ եմ, որ միջազգային քննությունը կլինի ամբողջական, օբյեկտիվ և անաչառ», – ասել է Լաշա Ֆարուլավան։

Վրաստանի պետական անվտանգության ծառայության ղեկավարի տեղակալ Լաշա Մաղրաձեն ճեպազրույցում նշել է, որ ծառայության քննչական գործողությունների արդյունքում պարզվել է՝ 2024 թվականի դեկտեմբերի 4-5-ի գիշերը զանգվածի կառավարման նպատակով օգտագործվել է «քլորոբենզիլիդեն մալոնոնիտրիլ» նյութ, որը լուծվել է «պրոպիլենգլիկոլ»-ի մեջ։ Ըստ ՊԱԾ-ի՝ այդ նյութերից ոչ մեկը չի դասվում արգելված նյութերի կատեգորիայի, իսկ ՆԳՆ-ն երբեք չի գնել «բրոմոբենզիլ ցիանիդ»՝ նույն ինքը «Կամիթ»։