Կոսովոյում անցկացվում են խորհրդարանական ընտրություններ, որոնք երկրորդն են 11 ամսվա ընթացքում: Վարչապետ Ալբին Կուրտիի «Ինքնորոշման շարժումը» պայքարում է մեծամասնություն կազմելու համար։

Քաղաքական ճգնաժամը խորացել է փետրվարյան ընտրություններից հետո, երբ Կուրտիի կուսակցությունը չկարողացավ մեծամասնություն կազմել կամ կոալիցիոն կառավարություն կազմել: Արդյունքում, նախագահ Վյոսա Օսմանը ստիպված եղավ լուծարել խորհրդարանը և նշանակել արտահերթ ընտրություններ։

Վարչապետի գլխավոր հակառակորդը նախկին ֆինանսների նախարար Բեդրի Համզան է, որն այժմ Կոսովոյի Դեմոկրատական ​​կուսակցության առաջնորդն է։

Երկարատև քաղաքական ճգնաժամը նաև ֆինանսական խնդիրներ է ստեղծել Կոսովոյի համար, քանի որ Եվրամիությունը պատժամիջոցներ է կիրառել նրա նկատմամբ 2023 թվականին Սերբիայի հետ լարվածության պատճառով։

Բրյուսելը հայտարարում է, որ սահմանափակումները կվերացվեն, երբ երկրի հյուսիսային տարածաշրջանի էթնիկ սերբ քաղաքապետերին թույլատրվի առաջադրվել։

Ընտրատեղամասերը բացվել են տեղական ժամանակով ժամը 07:00-ին և կփակվեն ժամը 19:00-ին, որից հետո կհրապարակվեն էքզիթ փոլերի արդյունքները։