Կորոնավիրուսի կապակցությամբ առողջապահության նախարարությանը հանձնարարվել է, մոտակա օրերին նախապատրաստել 3000 անկողին, որպեսզի կորոնավիրուսով վարակման թվի ավելացման դեպքում, հնարավոր լինի արագ և արդյունավետ բուժում,- այս մասին Վրաստանի վարչապետ Գիորգի Գախարիան հայտարարել է կառավարության վարչակազմում տեղի ունեցած ճեպազրույցի ժամանակ:

Ըստ նրա, այսօրվա դրությամբ Վրաստանում կատարվում է միջինը 8 հազար «Փի Սի Ար» թեստ և մոտ ժամանակներս այդ թիվը կհասնի 10 հազարի:

«Երբ ասում ենք, որ խուճապի հիմք չկա, նկատի ունենք, որ վերջին 5-6 ամիսները մենք օգտագործել ենք, որպեսզի բոլոր համակարգերը, որոնք ներգրավված են համավարակի կառավարմանգործում, ինչպես մենեջմեթը, լոջիստիկան, այնպես էլ հոսպիտալային համակարգը և համավարակաբանական և կլինիկական ուղղությամբ, այսօր այլ ձևաչափում են և այլ մակարդակում: Օրինակ, արտակարգ իրավիճակ հայտարարելուց հետո, մարտ ամսից համավարակաբանները կարողանում էին օրեկան կատարել 200 թեստ:

Այսօր երկրում առանց որևէ խնդրի կատարվում է միջինը 8 հազար «Փի Սի Ար» թեստ: Մոտ ապագայում այս թիվը կհասնի 10 հազարի: Այսօրվա դրությամբ առողջապահության նախարարությանը հանձնարարվել է, մոտակա օրերին նախապատրաստել 3000 անկողին, որպեսզի կորոնավիրուսով վարակման թվի ավելացման դեպքում, հնարավոր լինի արագ և արդյունավետ բուժում»,- ասել է Գախարիան: