Թբիլիսիի ինֆեկցիոն հիվանդանոցի բժշկական տնօրեն, Մարինա Էզուգբաիայի խոսքով, այսօր առավոտվա տվյալներով հիվանդանոցում գտնվում է 34 հիվանդ:

Նրա խոսքով, նախօրեին 19 մարդուց վերցրել են փորձեր, որոնցից երկուսի մոտ հաստատվել էկորոնավարակ, իսկ մնացածի մոտ բացասական պատասխան էր:

Դրա հետ մեկտեղ, Էզուգբաիայի խոսքով, մեկ հիվանդի հետազոտությունը շարունակվում է:

Էզուգբաիայի հայտարարությամբ, այն հիվանդները, ովքեր վարակված չեն տեղափոխվելու են կարանտին:

Ըստ Մարինա Էզուգբաիայի, ևս 14 հիվանդ այս պահին ստուգվում է:

Ինչ վերաբերում է վարակված հիվանդների վիճակին, Էզուգբաիայի խոսքով, նրանց առողջական վիճակը կայուն է:

Ըստ նրա, չորրորդ հիվանդի վիճակը ծանր է, նա ունի բարձր ջերմություն և երկկողմանի թոքաբորբ, չնայած դրան, այս փուլում նրա կյանքին վտանգ չի սպառնում:

Այս պահի դրությամբ Վրաստանում նոր կորոնավարակով վարակված է 15 մարդ: