Քվեմո Քարթլիում ոստիկանությունը ձերբակալել է Ինտերպոլի կարմիր շրջաբերականով հետախուզվող օտարերկրյա քաղաքացու
Վրաստանի ներքին գործերի նախարարության Քվեմո Քարթլիի ոստիկանության դեպարտամենտի Գարդաբանիի շրջանային վարչության աշխատակիցները ձերբակալել են Ինտերպոլի կարմիր շրջաբերականով որոնվող Թուրքիայի Հանրապետության քաղաքացու։
ՆԳՆ-ի փոխանցմամբ՝ ձերբակալվածը Թուրքիայի Հանրապետության իրավապահ մարմինների պահանջի հիման վրա միջազգային մակարդակով որոնվում էր տարբեր ծանր հանցագործությունների համար։
Գերատեսչության տեղեկություններով՝ ներկայումս ձերբակալվածի նկատմամբ ընթանում են օրենքով նախատեսված արտահանձնման (էքստրադիցիոն) ընթացակարգեր։