Վրաստանի ֆինանսների նախարարության քննչական ծառայության աշխատակիցները, Վրաստանի դատախազության և եկամուտների ծառայության հետ համագործակցությամբ իրականացված օպերատիվ-հետախուզական միջոցառումների և քննչական գործողությունների արդյունքում, նախնական համաձայնությամբ խմբի կողմից առանձնապես խոշոր չափերով ապրանքների մաքսային կանոնների խախտմամբ տեղափոխման փաստով չորս անձի են ձերբակալել:

Քննությամբ պարզվել է, որ մեղադրյալները «Կազբեկի» մաքսային անցակետով, բեռնատար ավտոմեքենայում հատուկ պատրաստված թաքստոցի միջոցով, մաքսային հսկողությունից թաքուն տեղափոխել են 18 000 կիլոգրամ «Օկտան+» ունիվերսալ հավելանյութ:

Մեղադրյալները, մաքսային կանոնների խախտմամբ, պարբերաբար Վրաստան էին ներկրում «Օկտան+» նյութը, որն օգտագործում էին ավտոմեքենաների համար նախատեսված վառելիք ստանալու նպատակով: Հանցավոր խմբի անդամները Գարդաբանի մունիցիպալիտետի տարբեր վայրերում գտնվող արտադրամասերում տնայնագործական եղանակով պատրաստված վառելիքի իրացումն իրականացնում էին Թբիլիսիում գտնվող իրենց պատկանող բենզալցակայաններում:

Քննչական գործողությունների արդյունքում առգրավված նյութի արժեքը գերազանցում է 22 000 լարին:

Քննությունն ընթանում է Վրաստանի քրեական օրենսգրքի 214-րդ հոդվածի 2-րդ մասով և 5-րդ մասի «դ» կետով, ինչպես նաև 218-րդ հոդվածի 2-րդ մասի «բ» կետով, ինչը որպես պատիժ նախատեսում է ազատազրկում 8-ից 11 տարի ժամկետով:

Տեղեկատվությունը տարածում է ֆինանսների նախարարության քննչական ծառայությունը: