Քիթ Քելոգը կժամանի Կիև՝ մասնակցելու Ուկրաինայի անկախության օրվան նվիրված միջոցառումներին
ԱՄՆ նախագահի Ուկրաինայի հարցերով հատուկ ներկայացուցիչ Քիթ Քելոգը կժամանի Կիև՝ մասնակցելու Ուկրաինայի անկախության օրվան նվիրված միջոցառումներին։
Ռոյթերսի լրագրողների փոխանցմամբ՝ Քելոգը նաև կքննարկի այս շաբաթ առաջնորդների կողմից ձեռնարկված դիվանագիտական ջանքերը։
Այցը կկայանա ԱՄՆ-ի, Ուկրաինայի և Եվրոպայի կողմից Կիևի անվտանգության երաշխիքների վերաբերյալ համաձայնության ֆոնին։
Ավելի վաղ ԱՄՆ պետքարտուղար Մարկո Ռուբիոն և Ուկրաինայի նախագահի աշխատակազմի ղեկավար Անդրեյ Երմակը խորհրդականների հանդիպման ժամանակ քննարկել են Ուկրաինայի անվտանգության երաշխիքների հարցը։
Կիև ժամանած ՆԱՏՕ-ի գլխավոր քարտուղար Մարկ Ռյուտեն հայտարարել է, որ Ուկրաինայի համար եվրոպական երկրների և Միացյալ Նահանգների կողմից համաձայնեցված անվտանգության երաշխիքները կլինեն երկաստիճան։