Մեծ Բրիտանիայի վարչապետ Քիր Սթարմերը խորը մտահոգություն է հայտնել Ղազայում «Ալ Ջազիրա»-ի լրագրողի սպանության կապակցությամբ։

«Հակամարտությունը լուսաբանող լրագրողները պաշտպանված են միջազգային մարդասիրական իրավունքով։ Լրագրողները պետք է կարողանան աշխատել անկախ՝ առանց վախի։ Իսրայելը պետք է ապահովի, որ լրագրողները կարողանան անվտանգ կատարել իրենց աշխատանքը», – ասվում է բրիտանական կառավարության հայտարարության մեջ։

Բրիտանական կառավարությունը նաև նշել է, որ կենտրոնացած է հրադադարի համաձայնագրի, պատանդների ազատ արձակման և մարդասիրական օգնության ավելացման վրա։

Ըստ «Ալ Ջազիրա»-ի՝ ռմբակոծության ժամանակ զոհվել են հայտնի լրագրող Անաս Ալ-Շարիֆը և նրա չորս գործընկեր օպերատորները։

Իսրայելը հայտարարել է, որ ունի ապացույցներ, որ լրագրողը ներգրավված է եղել Իսրայելի վրա հրթիռային հարձակումներում։